Main » 2012»June»29 » ************"असार १५" २०६९ को सबैमा हार्दिक शुभकामना***************
6:18 AM
************"असार १५" २०६९ को सबैमा हार्दिक शुभकामना***************
भ्यालेन्टाईन डे,क्रिसमस लगाएतका बिदेशी संस्कृतीहरु मौलाउँदै गएको हाम्रो समाजमा हाम्रा आफ्नै मौलिक चाडपर्व तथा संस्कृतीहरु मध्यको एक विशिष्ठ चाड वा संस्कृती "असार १५" को बारेमा त्यती धेरै चर्चा नभएको हो कि जस्तो आभाष भएको छ मलाई | हामी सबैलाई थाहा भएकै कुरा हो कि नेपाल एक कृषिप्रधान देश हो र यहाँको अर्थतन्त्रको मुख्य श्रोत भनेको पनि अहिलेसम्म कृषि नै हो | सिंचाईको व्यबस्था अनुसार असार र साउन महिना मा रोपाँई गरिने धान नेपालको कृषिजन्य उत्पादन मध्य सबैभन्दा बढी उत्पादन हुने अन्नबाली हो | अझै पनि दु:खपूर्वक भन्नुपर्ने कुरा के छ भने जलश्रोतको दोश्रो धनी नेपालको कुल खेतीयोग्य जमिनको ३८% भुभागमा मात्रै सिँचाईको व्यवस्था छ | त्यसैले आकासे पानीको भरमा धान खेती गर्नुपर्ने बहुसंख्यक किसानहरुले यस बर्ष खडेरी परेका कारण असारको १५ मा खेतको हिलोमा टेक्नै पर्ने नेपाली मान्यताको अनुशरण गरि हिलोमा टेक्न समेत पाएका छैनन|
मानो रोपेर मुरी उब्जाउने असार महिनाको मध्यमा पर्ने "असार १५" दहिचिउरा खाने,जसरी भएपनि हिलोमा टेक्ने,हिलो छ्यापाछ्याप गरेर तथा असारे गीतहरु गाएर रमाईलोपूर्वक मनाउने एक चाडको रुपमा प्रसिद्ध छ | नेपाली नेपालीहरु बिच एकापसमा माया,प्रेम तथा सहयोग बृद्धि गर्न यो चाडले महत्वपूर्ण भुमीका खेल्ने कुरालाई नकार्न सकिँदैन | हुनेखानेले वर्षभरिलाई र नहुनेले पनि चाडबाड लगाएतका अवसरहरुका लागि धानको जोहो गर्न धानको उत्पादन हुने क्षेत्रहरुमा यहि असार १५ को मौका छोपेर धान खेती सुरु गर्ने गरेको हामीले देखेका छौ |
यसरी नेपाल र नेपालीहरुको पहिचान सँग प्रत्यक्ष जोडिएको कृषि,कृषि सँग प्रत्यक्ष जोडिएको धान खेती र धान खेती सँग प्रत्यक्ष जोडिएको "असार १५" को अवसरमा सम्पूर्ण नेपाली तथा नेपाल र नेपालीहरुलाई माया गर्ने सम्पूर्णमा हार्दिक शुभकामना व्यक्त गर्दछु |
Male
